У Беларусь вяртаецца спёка
15- 18.07.2017, 18:56
- 11,604
У сераду ў краіне чакаецца да 28 градусаў цяпла.
Да 28 градусаў цяпла чакаецца ў Беларусі 19 ліпеня, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя.
Будзе пераменная воблачнасць, пераважна без ападкаў, толькі ўдзень у асобных раёнах на паўночнай частцы краіны пройдуць невялікія кароткачасовыя дажджы. Уночы і раніцай месцамі чакаецца слабы туман. Вецер прагназуецца няўстойлівы 3-8 м/с.
Тэмпература паветра ўначы - 6-12 градусаў цяпла. Удзень будзе 20-26 градусаў вышэй за нуль, у Берасцейскай вобласці месцамі да плюс 28.