Лекары назвалі пяць прадуктаў, якія падаўжаюць маладосць
6- 19.07.2017, 21:44
- 11,805
Гэтыя прадукты здольныя не толькі захаваць натуральную прыгажосць, але і падоўжыць маладосць.
Дэрматолаг Джошуа Цайхнэр склаў спіс супэрпрадуктаў, якія палепшаць якасць скуры і адсунуць з'яўленне першых прыкмет старэння. Акрамя таго, прадукты здольныя не толькі захаваць натуральную прыгажосць, але і падоўжыць маладосць, паведамляе vistanews.ru.
Спецыяліст рэкамендуе ўжываць авакада, у якім змяшчаецца алеінавы квас з групы амега-9, што дапамагае скуры захоўваць вільгаць і заставацца пругкай. Кавун нездарма ўважаецца за летні прысмак. Свой яскравы чырвона-ружовы колер мякаць гэтай летняй ягады набыла дзякуючы змяшчэнню лікапіну. Гэты натуральны антыаксідант абараняе скуру ад шкоднага ўздзеяння ўльтрафіялетавых прамянёў.
Гранат уважаецца за адзін з самых моцных антыаксідантаў. Рэгулярнае ўжыванне зярнят граната дапаможа прадухіліць заўчаснае з'яўленне маршчакоў, сухасці і будзе змагацца з таксінамі. У дыні шмат бэта-каратыну і вітаміну А. Менавіта яна нармалізуе выпрацоўку скурнага тлушчу і прадухіляе заштукоўванне сітавін. Чарніцы і буякі змагаюцца з вольнымі радыкаламі і пігментацыяй, вяртаюць ззянне скуры.