На менскім прыпынку з'явілася канапа для тых, хто чакае аўтобус

Прыпынак часта фатаграфуюць, а вось прысесці адважылася ўсяго пару чалавек.

Як распавялі карэспандэнту CityDog.by, утульны прыпынак – гэта рэкламны праект.

Кампанію, якая так рэкламуецца, не назвалі, але запэўнілі, што дазвол на такую акцыю даў Менгарвыканкам. Абяцаюць, што праз тыдзень у сацыяльных сетках запусціцца пацешны ролік пра тое, як менчукі адпачывалі на прыпынку, пакуль чакалі транспарту.

Паводле назіранняў нашага карэспандэнта, прыпынак часта фатаграфуюць, а вось прысесці адважылася ўсяго пару чалавек.