МУС падтрымала ініцыятыву аб продажы спіртнога з 21 года

Раней з такой прапановай выступіла Міністэрства аховы здароўя.

Міністэрства ўнутраных спраў падтрымлівае ініцыятыву ўстанавіць абмежаванне ўзросту продажу алкагольных напояў да 21 года, паведамілі ва ўправе прафілактыкі галоўнай управы аховы правапарадку і прафілактыкі міліцыі грамадскай бяспекі МУС, піша tut.by.

- Мы падтрымліваем ініцыятыву дазволіць продаж спіртнога не з 18 гадоў, а з 21 года, - сказалі ў МУС.

Раней з такой прапановай выступіў Міністэрства аховы здароўя.

Нагадаем, паводле звестак САЗ, у 2016 годзе ў нашай краіне прыпадала 16,4 літра на чалавека, і гэта другое месца ў свеце пасля Літвы. Паводле звестак Белстата, у мінулым годзе ў нас прыпадала 8,8 літра на душу насельніцтва.

Міністэрства аховы здароўя мяркуе, што магчымасць купляць алкагольныя напоі моладдзю старэйшай за 18 гадоў прыводзіць да 25-кратнага росту тых, хто назіраецца нарколагамі праз алкагольную залежнасці ва ўзросце ад 18 гадоў да 21 года, у параўнанні з колькасцю такіх асоб да паўналетняга ўзросту.

Як паказвае практыка, спіртныя напоі і піва ўначы пераважна рэалізуюцца ўжо нецвярозым грамадзянам, а таксама моладзі, што прыводзіць да іх спажывання ў грамадскіх месцах і становіцца першапрычынай учынення цяжкіх і асабліва цяжкіх злачынстваў супраць жыцця і здароўя.

Паводле вынікаў першага паўгоддзя 2017 года з агульнай колькасці паўналетніх асоб, якія ўчынілі злачынствы ў стане алкагольнага ап'янення, грамадзяне ва ўзросце 18-20 гадоў складаюць 4,8%. У той жа час ад агульнай колькасці ўсіх паўналетніх грамадзян краіны асобы названага ўзросту складаюць менш за 3,6%.