Перапіс насельніцтва: у беларусаў спытаюць, ці хочуць яны з'ехаць з краіны

У Маладзечне пройдзе спробны перапіс насельніцтва.

Белстат правядзе спробны перапіс, можна сказаць, генеральную рэпетыцыю, піша kp.by.

– Маладзечанскі раён уяўляе з сябе тыповы зрэз для Беларусі, мы зможам правесці перапіс гарадскога насельніцтва, асобаў, якія знаходзяцца ў спецыялізаваных установах. Гэта дазволіць нам адпрацаваць перапісны ліст, тэхналогію збору інфармацыі, – распавяла кіраўніца Белстата Іна Мядзведзева.

З новага: будуць пытацца, ці вы хочаце з'ехаць з Беларусі, з якіх прычынаў вы хочаце гэта зрабіць, ці вы хочаце яшчэ мець дзяцей.

Перапіс будзе адбывацца шляхам запаўнення анкеты ў планшэце. Таксама, магчыма, беларусы змогуць запоўніць анкеты онлайн, але гэта яшчэ прапрацоўваецца.