Сіноптыкі: У суботу чакаецца да +26 градусаў

Аранжавы ўзровень небяспекі абвешчаны на 22 ліпеня праз навальніцы і моцныя дажджы.

Заўтра ў Беларусі будзе воблачна з праясненнямі. Ноччу і раніцай па поўдні краіны пройдуць дажджы, у многіх раёнах Берасцейскай, Гомельскай абласцей і месцамі па поўдні Менскай – навальніцы і моцныя дажджы.

Удзень па паўднёвым усходзе краіны кароткачасовыя дажджы. Вецер паўночна-ўсходні 3–8 м/с, пры навальніцах парывы да 14 м/с.

Тэмпература ўночы складзе ад плюс 10 градусаў па поўначы да плюс 18 па поўдні. Днём будзе 20–26 градусаў вышэй за нуль, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.