Пяць фатаграфій арцыбіскупа Тадэвуша Кандрусевіча, якія здзіўлялі сацыяльныя сеткі
13- 21.07.2017, 18:43
- 21,587
Кіраўнік Каталіцкай царквы Беларусі не толькі святар, але і цалкам звычайны чалавек.
Арцыбіскуп Тадэвуш Кандрусевіч, мітрапаліт Менска-Магілёўскі часам здзіўляе сацыяльныя сеткі. Замест звычайнага літургічнага адзення ён часта адзяе спартыўную форму і гуляе ў футбол. Ці проста ў сутане садзіцца на ровар. Або нароўні з усімі стаіць у чарзе ў аэрапорце, піша kp.by.
Тадэвушу Кандрусевічу 71 год і ён вядзе актыўны лад жыцця. Напрыклад, гуляе ў футбол...
... і ездзіць на ровары. Герарх не аднойчы ўдзельнічаў у веласіпеднай пілігрымцы ў Будслаў.
У Івянцы мітрапаліт пераўвасобіўся ў вершніка, асядлаў кабылу на мянушку Марта. А потым пакатаў дзетак у павозцы.
Сацыяльныя сеткі заўзята абмяркоўвалі і такі факт з жыцця мітрапаліта Кандрусевіча: яго заўважылі ў агульнай чарзе на пасадку ў аэрапорце.
- Сціпласць, якая здзіўляе! Мог як мінімум ляцець бізнэс-класам, скарыстацца VIP-зонай. Але не! - пісаў журналіст Аляксандр Уліцёнак, які выпадкова пазнаў у пасажыры Тадэвуша Кандрусевіча.
Уразіла некаторых і тое, што кіраўнік Каталіцкай царквы як шараговы мянчук, без афіцыёзу, прыйшоў ушанаваць памяць загінулых падчас выбуху ў метро.