Апазіцыя ў Венесуэле ладзіць мільённыя пратэсты
6- 21.07.2017, 21:31
- 11,061
Мільёны венесуэльцаў далучыліся да ўсеагульнага страйку.
Яны патрабуюць ад прэзідэнта Нікаласа Мадуры скасаваць скліканне новага парламента, перадае BBC.
У цяперашняй Нацыянальнай асамблеі большасць мае апазіцыя. Мадура хоча замяніць яе новым парламентам, які атрымае паўнамоцтвы на змену канстытуцыі краіны.
Паводле звестак актывістаў, падчас пратэстаў загінуў жыхар ускраіны Каракаса і два маніфестанты ў горадзе Валенсіі на поўначы краіны.
Прэзідэнт Мадура абвясціў аб масавых арыштах тых, хто, паводле ягоных слоў, перашкаджае «простым венесуэльцам» цешыцца «працай і каханнем». Паводле інфармацыі мясцовых праваабаронцаў, ва ўсёй краіне арыштавана 360 чалавек.
Калумбія, Францыя, ЗША, Гішпанія і ЕЗ у цэлым заклікалі Мадуру прыслухацца да пратэстоўцаў і скасаваць скліканне асамблеі.
Мадура мяркуе, што новая канстытуцыя патрэбная, каб прадухіліць замежную змову супраць ягонага кіравання.