У Слоніме ваенны МАЗ заехаў у легкавік
5- 23.07.2017, 17:19
- 14,165
Інцыдэнт адбыўся каля ваеннай часткі на вуліцы Косаўскі тракт.
23 ліпеня, у другой палове дня, каля ваеннай часткі на вуліцы Косаўскі тракт у Слоніме адбылося ДТЗ.
У выніку сутыкнення ваеннага МАЗа і аўтамабіля маркі «Фольксваген-Пасат» была моцна пашкоджаная задняя частка легкавушкі, піша «Слонимская газета».
Паводле сцвярджэння сведак гэтай аварыі, «Фольксваген-Пасат» выязджаў з двара Косаўскага рынку, прапусціў аўтамабіль і павярнуў налева. А ў гэты час у яго ўдарыў ваенны МАЗ.
Паводле гэтага факта вядуць разгляд супрацоўнікі ДАІ і юрыдычная служба групы артылерыі механізаванай брыгады.