Лукашэнка: На БелАЭС з'явіліся «вузкія месцы»
20- 24.07.2017, 12:16
- 26,798
Дыктатар распавёў пра свае фобіі, звязаныя з будаўніцтвам Астравецкай АЭС.
Лукашэнка назваў будаўніцтва БелАЭС важным пытаннем як з гледзішча эканамічнага, так і палітычнага, маральнага:
– Нам не проста далася пастанова пра будаўніцтва атамнай электрастанцыі пасля катастрофы на Чарнобыльскай АЭС. Фобіі былі вельмі моцныя, але мы здолелі пераканаць насельніцтва, што за гэтым будучыня. Гэта па-першае. Па-другое, гэта самыя высокія тэхналогіі. У шэраг з касмічнымі, IT-тэхналогіямі, лічбавай эканомікай – за імі будучыня – я стаўлю і будаўніцтва атамнай станцыі, – заявіў Лукашэнка. – Мы аддаем вельмі сур'ёзную ўвагу будаўніцтву. Дастаткова сказаць, што я дэталёва прысвечаны ў планы будаўніцтва станцыі і ход гэтага будаўніцтва.
Беларускі кіраўнік адзначыў, што нядаўна быў прызначаны памочнік прэзідэнта, які адказвае за ажыццяўленне нацыянальных праектаў.
– Гэта ўзровень нацыянальнага праекта нароўні з іншымі, якія мы ажыццяўляем, – іх блізу дзясятка. Гэта вельмі затратныя праекты. Таму мы надаём гэтаму сур'ёзную ўвагу, – падкрэсліў Лукашэнка.
Паводле словаў Лукашэнкі, тэма будаўніцтва станцыі таксама пастаянна абмяркоўваецца падчас ягоных сустрэчаў з прэзідэнтам Расеі.
– Мы абмяркоўваем будаўніцтва атамнай станцыі і ўважліва кантралюем не толькі ход будаўніцтва, але і коштавыя параметры. Прэзідэнта Расеі вельмі цікавіць гэтае пытанне, – адзначыў Лукашэнка. – Сённяшняя сустрэча вельмі важная для таго, каб яшчэ раз абмеркаваць пытанні будаўніцтва атамнай станцыі, ліквідаваць некаторыя вузкія месцы, якія, натуральна, пры такіх велізарных будоўлях маюць месца. І шэраг іншых пытанняў, якія вы мяркуеце патрэбным абмеркаваць і пачуць мае адказы на іх.
Нагадаем, што будаўніцтва БелАЭС праходзіць з парушэннем усіх міжнародных нормаў, падчас будаўніцтва пастаянна адбываюцца надзвычайныя здарэнні.
Будаўніцтва выклікае незадаволенасць сярод беларусаў, праходзяць акцыі пратэсту супраць будаўніцтва Астравецкай АЭС.