Накіпела: Маналог жанчыны з маршруткі ў Гародні

Пенсіянерка выдала цэлую тыраду ў адказ на просьбу перадаць грошы за праезд.

Інцыдэнт адбыўся напярэдадні ў маршрутным таксі №10. Калі 62-гадовую жанчыну папрасілі перадаць аплату за паездку, яна пачала скандаліць, выбіла з рук дзяўчыны тэлефон. Тая стала тэлефанаваць у міліцыю, піша сайт intex-press.by.

- Я табе не абавязаная перадаваць! Ты маладая, а я стамілася! У мяне свае праблемы! - крычыць на відэа разгневаная пасажырка і сама пагражае міліцыяй дзяўчыне.

На абарону дзяўчыны сталі пасажыры, што, зрэшты, не супакоіла разгневаную мадам.

Відэазапіс інцыдэнту зрабіў відавочца і размясціў у сябе на старонцы ў Вконтакте.