Паліцыя Швайцарыі паказала фота зламысніка з бензапілой
2- 24.07.2017, 20:45
- 38,337
Злачынцу шукаюць больш за 100 паліцыянтаў са Швайцарыі і Нямеччыны.
Паліцыя Швайцарыі шукае мужчыну на імя Франц Урусіз, які параніў пецярых чалавек у швайцарскім мястэчку Шафгаўзэн. Пра гэта паведамляе ВВС.
Як паведамляюць, Урусіз накінуўся на людзей з ланцуговай пілой у канторы кампаніі медыцынскага забеспячэння CSS.
Парушальніка шукаюць больш за 100 паліцыянтаў са Швайцарыі і Нямеччыны.
Паводле паведамлення паліцыі, 51-гадовы мужчына, які жыве ў лесе, небяспечны і, напэўна, дагэтуль узброены пілой.
Праваахоўнікі мяркуюць, што ўчынак Урусіза быў накіраваны супраць страхавых кампаній.
Сёння ў Шафгаўзэне невядомы ўчыніў напад з бензапілой, у выніку чаго пяць чалавек атрымалі раны. У мясцовай паліцыі не ўважаюць напад за тэракт.