Спецпрадстаўнік ЗША Уолкер падтрымаў пастаўку зброі для Украіны
6- 25.07.2017, 10:16
- 16,272
Абарончае ўзбраенне дапамагло б спыніць Расею.
Спецыяльны прадстаўнік ЗША ва Украіне Курт Уолкер заявіў, што Вашынгтон актыўна разглядае пытанне пра вылучэнне Украіне зброі для барацьбы з баевікамі на Данбасе, падтрымоўванымі Расеяй. Пра гэта ён заявіў у інтэрв'ю BBC (пераклад – ukranews.com).
На ягоную думку такі крок не будзе правакацыйным, і гэта было б правільна.
"Абарончае ўзбраенне, якое дазволіла б Украіне абараніць сябе і, напрыклад, вывесці танкі, дапамагло б спыніць Расею, якая пагражае Украіне", – заявіў Уолкер.
Ён дадаў, што поспех ва ўсталяванні міру на ўсходзе Украіны запатрабуе таго, што ён назваў новым стратэгічным дыялогам з Расеяй.
Як паведамлялася, cпецпрадстаўнік ЗША ва Украіне Курт Уолкер пасля наведвання прыфрантавой Аўдзееўкі заявіў, што сітуацыя на Усходзе Украіны знаходзіцца на стадыі гарачай вайны, а не замарожанага канфлікту.
Адзначым, што ЗША прызначылі спецпрадстаўніка ва Украіне Уолкера, бо расчараваліся ў адсутнасці прагрэсу на Данбасе.