Сіноптыкі: Заўтра будзе да +31 градуса

Аранжавы ўзровень небяспекі аб'яўлены 26 лiпеня праз навальніцы і шквалісты вецер.

У сераду будзе воблачна з праясненнямі. На большай частцы тэрыторыі краіны пройдуць кароткачасовыя дажджы, навальніцы, месцамі моцныя залевы.

Удзень па ўсходзе Беларусі ў асобных раёнах чакаецца град. Ноччу і раніцай месцамі будзе туман. Вецер будзе паўночна-заходні 4–9 м/с, пры навальніцах у асобных раёнах шквалістае ўзмацненне парывамі да 15–20 м/с.

Тэмпература паветра ўначы складзе 14–20 градусаў цяпла. Удзень будзе ад 21 градуса цяпла па захадзе да плюс 31 па ўсходзе краіны, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.