30% працы супрацоўнікаў банкаў могуць выконваць робаты

Чатботы і алгарытмы зменшаць націск на супрацоўнікаў банкаў.

Траціну ўсіх функцый, што выконваюцца супрацоўнікамі банкаў, можна аўтаматызаваць, мяркуюць экспэрты кансультацыйнай кампаніі McKinsey. Зрэшты, масавага беспрацоўя сярод аператараў, касіраў і мэнэджэраў банкаў можна ўнікнуць, піша hightech.fm.

Высновы адной з вядучых кансультацыйных кампаній свету - не найлепшыя навіны для мільёнаў аператараў, мэнэджэраў у гіпатэцы і спажывецкім крэдытаванні, фінансавых аналітыкаў ды іншых спецыялістаў банкаў. Суцешыць іх, зрэшты, можа тое, што ў справаздачы McKinsey не робіцца выснова аб немінучых масавых звальненнях. Яго аўтары прагназуюць, што «ўжыванне кагнітыўных тэхналогій да функцый рынку капіталу скароціць бюджэты і вызваліць сродкі для больш дзейснага выкарыстання персаналу - у сферах даследаванняў, генерацыі ідэй і працы з кліентамі».

У васьмі банках, якія вывучалі спецыялісты McKinsey, колькасць супрацоўнікаў не заўсёды скарачалася ў выніку ўкаранення новых тэхналогій. Гэта таму, што аўтаматызаваныя функцыі, а не працоўныя месцы. Так што чатботы і алгарытмы болей зменшаць націск на супрацоўнікаў банкаў, чым цалкам пазбавяць іх працы.

McKinsey вылучае чатыры тэхналогіі, гатовыя ўзяць на сябе траціну працы ў банках: разумнае справаводства, машыннае навучанне, апрацоўка натуральнай мовы і кагнітыўныя агенты. Некаторыя банкі ўжо робяць крокі на шляху аўтаматызацыі, але большасць знаходзіцца «на ранняй стадыі разумення патэнцыялу, які прапануюць кагнітыўныя тэхналогіі», гаворыцца ў дакладзе.

Параўнальна аптымістычны погляд McKinsey на тое, як аўтаматызацыя адаб'ецца на занятасці работнікаў фінансавай сфэры, падзяляюць і кіраўнікі банкаў. «У нас стала менш мэнэджараў у продажу і таргах, але больш інжынераў і праграмістаў, - кажа Джэймі Дайман, генеральны дырэктар JPMorgan Chase. - Алгарытмы даюць нам магчымасць узяць рэсурсы і накіраваць іх куды-небудзь у іншае месца». На думку Даймана, штат ягонага інвестыцыйнага банка ў наступныя 20 гадоў будзе толькі павялічвацца, паведамляе Quartz.

Тым не менш, пад асцярогай супрацоўнікаў банкаў за свае працоўныя месцы ёсць падставы: у канцы траўня старшыня ўправы «Сбербанка» Герман Грэф заявіў, што штат банка скароціцца пад 2025 год на 45 тысяч чалавек. Скарачэнні ўжо праводзяцца, і часцей за ўсё пад іх трапляюць службоўцы, якія не звязаныя з ІТ.