Лукашэнка: Куба - любоў мая
21- 26.07.2017, 9:28
- 19,284
Беларускі дыктатар заявіў, што вельмі шануе падтрымку ягонага рэжыму з боку Кубы.
Лукашэнка павіншаваў старшыню Дзяржаўнага савета і Савета міністраў Кубы Рауля Кастра Руса з Днём нацыянальнага паўстання, паведамляе прэс-служба беларускага дыктатара ў сераду.
«Сёння ў варунках складанай і няўстойлівай міжнароднай абстаноўкі Беларусь асабліва шануе надзейныя і адкрытыя стасункі з Кубай. Мы з вялікай павагай ставімся да паслядоўнай і прынцыповай палітыкі кубінскай дзяржавы, накіраванай на забеспячэнне сацыяльнай справядлівасці, абарону незалежнасці і нацыянальнай годнасці», - гаворыцца ў віншаванні.
Лукашэнка падкрэсліў, што далейшае дынамічнае развіццё беларуска-кубінскага супрацоўніцтва ва ўсіх сферах узаемнай цікавасці з'яўляецца адным з прыярытэтаў замежнай палітыкі Беларусі.