Нафта Brent падаражэла да $50,59 за барэль

Кошты нафты прадаўжаюць расці ў сераду пасля максімальнага з пачатку 2017 года скачка паводле вынікаў папярэдняй сесіі.

Кошт вераснёўскіх ф'ючэрсаў на нафту Brent на лонданскай біржы ICE Futures да 08:10 падняўся на $0,39 (0,78%) - да $50,59 за барэль. Да закрыцця рынку ў аўторак ф'ючэрсы падаражэлі на $1,6 (3,29%) - да $50,20 за барэль.

Кошт ф'ючэрса на нафту WTI на верасень на электронных таргах Нью-Ёркскай таварнай біржы (NYMEX) павялічыўся дагэтуль на $ 0,48 (1%) - да $48,37 за барэль. Кантракт падаражэў на $1,55 (3,34%) - да $47,89 за барэль паводле вынікаў папярэдняй сесіі.

Увага рынку ў сераду накіраваная на справаздачу Мінэнэрга ЗША аб запасах энэрганосьбітаў у краіне. Звесткі Амерыканскага інстытута нафты (API), апублікаваныя напярэдадні, паказалі на скарачэнне запасаў нафты ў ЗША за мінулы тыдзень на 10,2 млн барэляў, што ў 4 разы перавышае прагназаванае экспэртамі зніжэнне, піша MarketWatch.

Калі звесткі Мінэнэрга пацвердзяць ацэнкі API, рост коштаў нафты паскорыцца, адзначае аналітык CMC Markets Майкл Макарці. Мінэнэрга апублікуе справаздачу аб запасах нафты ў ЗША за мінулы тыдзень у сераду а 17.30 паводле маскоўскага часу.

Росту коштаў нафты ў аўторак спрыяла заяву кіраўніка Мінэнэрга Саудаўскай Арабіі Халіда аль-Фаліха, што з 1 жніўня краіна абмяжуе экспарт нафты аб'ёмам 6,6 млн барэляў - на 1 млн барэляў менш, чым годам раней.

Падтрымку рынку таксама надала інфармацыя, што Нігерыя, вызваленая ад удзелу ў пагадненні аб скарачэнні вытворчасці нафты, гатовая абмежаваць здабычу ўзроўнем 1,8 млн барэляў на дзень. Паводле апошніх звестак АПЕК, цяпер здабыча нафты ў Нігерыі складае прыблізна 1,64 млн барэляў на дзень.