Украінская выведка распавяла, як верхавод «ЛНР» даносіць на Захарчанку

Паміж верхаводамі тэрарыстаў відавочна наспеў канфлікт.

Верхавод баевікоў так званай "ЛНР" Ігар Платніцкі пачаў збіраць "кампрамат" на верхаводаў тэрарыстаў "ДНР", які ён збіраецца перадаць расейскім куратарам, піша "Апостроф".

Пра гэта на сваёй старонцы ў Facebook паведамляе Галоўная ўправа выведкі Міністэрства абароны Украіны.

Адзначаецца, што гэта з’яўляецца адказам на аднаасобнае абвяшчэнне верхаводам "ДНР" Аляксандрам Захарчанкам так званай "Маларосіі".

Паводле звестак выведкі, Платніцкі пачаў збор матэрыялаў аб крадзяжы расейскіх фінансавых паступленняў кіраўніцтвам "ДНР". Напрыклад, на ўказанне Платніцкага "Міністэрства дзяржаўнай бяспекі ЛНР" пачало збіраць довадную базу карупцыйных дзеянняў "устаноў ДНР" для наступнай перадачы расейскім куратарам.

"Асновай доваднай базы з'яўляюцца факты крадзяжу рэсурсаў т.зв. "Праграмы гуманітарнай дапамогі насельніцтву", якая фінансуецца РФ. Згодна з сабранай т.зв. "ЛНР" інфармацыяй, большая частка сродкаў была выкрадзеная прадстаўнікамі т.зв. "ДНР" пад выглядам выплат сацыяльнай дапамогі "асобам-зданям", у тым ліку ветэранам Другой сусветнай вайны, з выкарыстаннем дакументаў і базы звестак украінскіх сацыяльных службаў, захопленых ў 2014 годзе", - сказана ў паведамленні.