У Екацярынбургу прайшла акцыя салідарнасці з беларускім палітвязнем
- 26.07.2017, 14:27
- 10,637
Актывісты намалявалі мноства графіці ў падтрымку Змітра Паліенкі.
Аб гэтым паведамляецца ў сацыяльнай сетцы «Вконтакте».
Актывісты правялі інфармацыйную агітацыю сярод жыхароў свайго горада і праявілі салідарнасць з беларускім палітвязнем Змітром Паліенкам, намаляваўшы мноства графіці.
Нагадаем, Зміцер Паліенка - анархіст і сацыяльны актывіст, у кастрычніку 2016 года быў асуджаны на 2 гады з адтэрміноўкай за "гвалт у дачыненні да супрацоўніка міліцыі" падчас велазабега "Крытычная маса". Пасля прадаўжэння сваёй актывісцкай дзейнасці 6 красавіка 2017 года Змітру Паліенку прысудзілі адбываць пакаранне тэрмінам 2 гады (5 месяцаў ён ужо правёў у следчым ізалятары падчас следства) у калоніі агульнага рэжыму.