У менчука на кухні выбухнула бутэлька з квасам

Мянчук чакае ад «Лідскага піва» тлумачэнняў і кампенсацыі маральнай і матэрыяльнай шкоды.

Не пашанцавала Паўлу. У канцы мінулага тыдня ён купіў у «Еўраопце» некалькі ПЭТ-бутэлек з цёмным квасам: «Дастаў іх з новага пачку, па дарозе дадому з сумкі не падалі, усё акуратна. Дзве паставіў у шафу. Адну пакінуў на стале. Адышоў да ракавіны разабрацца з мясам для шашлыкоў. І тут у мяне за спіной раздаўся выбух».

Абліло квасам усю кухню, сцены, вокны, дзверы, шафкі, рэчы, прадукты і мяне самога. На фота бачна, што бутэльку разарвала напалову знізу, - кажа onliner.by Павел і звяртаецца да вытворцы: - На вашых этыкетках нідзе не напісана, што яны могуць выбухнуць. Я адчуў незабыўныя негатыўныя эмоцыі. Сцены, падлогу, усе рэчы былі аблітыя і запырсканыя квасам. Шмат чаго давялося проста выкінуць. Гадзіну прыбірання, а кухня ўсё адно пахне квасам. Добра, што дзяцей і жонкі не было побач.

Павел кажа, што чакае ад «Лідскага піва» тлумачэнняў і нейкіх крокаў для кампенсацыі маральнай і матэрыяльнай шкоды. Але сам адмаўляецца ўдакладняць маштабы сваіх чаканняў:

- Я не веру, што са мной будуць сумленныя. Але ёсць вялікая кампанія - і я, звычайны пакупнік, які пацярпеў ад падману. Магу толькі абяцаць, што сумленна распавяду, чым скончыцца гісторыя.

«Лідскае піва» ў курсе сітуацыі і выказала ўстурбаванасць здарэннем:

- Найперш мы выбачаемся і шкадуем, што наш квас стаў прычынай столькіх негатыўных эмоцый. Як вытворца, мы ўпершыню сутыкаемся з такой сітуацыяй і, вядома, устурбаваныя гэтым адзінкавым выпадкам.

Паводле факту таго, што здарылася аддзелам кантролю якасці праводзіцца праверка мікрабіялагічных паказчыкаў прадукцыі з партыі ад 12 траўня. Для атрымання вынікаў патрабуецца некаторы час, але мы робім усё магчымае, каб вынікі былі атрыманы максімальна хутка, бо разумеем, наколькі важна выявіць прычыну таго, што здарылася. Дадаткова будуць прааналізаваныя і іншыя чыннікі, за якія мы не можам несці адказнасць: ад транспартаванне да захоўвання на складах і ў гандлёвых залах, бо не выключаем, што яны, магчыма, таксама маглі стаць прычынай гэтага інцыдэнту.

Да атрымання вынікаў праверкі мы адклікаем партыю квасу ад 12 траўня са складоў і з усіх гандлёвых пунктаў. Яна таксама будзе правераная дадаткова. Мы яшчэ раз выбачаемся і падкрэсліваем, што, як вытворца, мы сур'ёзна ставімся да якасці прадукцыі і зробім усе патрэбныя захады, каб разабрацца ў сітуацыі, якая склалася.