Беларусы сталі часцей з'язджаць за мяжу
7- 26.07.2017, 20:46
- 37,978
Часцей за ўсё працоўныя мігранты з Беларусі выбіраюць Расею і Польшчу.
Сёлета за першае паўгоддзе з Беларусі за мяжу на заробкі з'ехалі 5018 чалавек. Летась за такі ж перыяд - 3825. Рост працоўнай міграцыі склаў 23,77%.
Большая частка - амаль 60% - едуць на працу ў Расею. «Інтэрфакс» са спасылкай на МУС паведамляе, што туды адправіўся 2991 чалавек, 1119 чалавек з'ехалі ў Польшчу, 432 - у ЗША.
Колькасць мігрантаў, якія выбіраюць нашу краіну для працы, скарацілася за першае паўгоддзе на 22,19%.
Паводле афіцыйнай статыстыкі, за студзень-чэрвень у Беларусь для працы ўехалі 8627 працоўных мігрантаў супраць 11087 за аналагічны перыяд мінулага года.
Больш за ўсё працоўных мігрантаў прыбыло ў Беларусь з Кітая - 3086, Украіны (2339) і Расеі (1222).
У першым паўгоддзі 2017 года беларусы выязджалі на заробкі ў 22 краіны.