У Горадні невядомыя абстралялі тралейбус з людзьмі
- 28.07.2017, 12:02
- 14,212
На шчасце, ніхто з пасажыраў не пацярпеў.
28 ліпеня прыкладна а 00.15 пасажыры тралейбуса на маршруце №9 у Горадні пачулі ўдары ў задняй частцы салона. Усё шкло там пакрылася расколінамі, прыводзіць словы відавочца старонкі «Новы Гродна».
Людзі кажуць, што ў той момант побач на вялікай хуткасці праехаў аўтамабіль. На шкле засталіся невялікія адтуліны. Мяркуюць, што хтосьці абстраляў тралейбус з пнеўматыкі. Ніхто з васьмі пасажыраў не пацярпеў.
Кіроўца транспарту ацаніў пашкоджанні і прыйшоў да высновы, што вокны разбілі не каменем. Ён выклікаў на месца супрацоўнікаў міліцыі. Ужо праваахоўнікі высвятляюць усе акалічнасці інцыдэнту.