28 сакавiка 2024, Чацвер, 20:06
Падтрымайце
сайт
Сім сім,
Хартыя 97!
Рубрыкі

Крым цалкам застаўся без святла

20
Крым цалкам застаўся без святла

Найбуйнейшыя аб'екты інфраструктуры падключаюцца да рэзервовых крыніц сілкавання.

Анэксаваны Расеяй Крым цалкам застаўся без электрычнасці праз аварыю. Пра гэта паведамляе агенцтва РІА «Новости» са спасылкай на «міністра паліва і энэргетыкі» паўвострава Вадзіма Беліка.

«Адбылося поўнае адключэнне электраэнэргіі ў Крыме. Спрацоўвала супрацьаварыйная аўтаматыка ў Краснадарскім краі. Цяпер ідзе актыўнае аднаўленне чатырох ліній. Працуем над тым, каб максімальна хутка аднавіць энэргазабеспячэнне паўвострава», - сказаў Белік.

Як паведамляе Крыминфо, электрычнасць адключылі прыкладна а 14.00, найбуйнейшыя аб'екты інфраструктуры падключаюцца да рэзервовых крыніц сілкавання.

Нагадаем, 30 снежня 2015 года ў Крым больш не паступала электраэнэргія з мацерыковай Украіны праз пашкоджанні электраапоры ў Херсонскай вобласці. Гэта стала часткай блакады ўкраінскімі актывістамі акупаванай паўвыспы.

Крым забяспечваецца за кошт уласнай генерацыі, генератарных установак з Расеі і па энэргамосту з Кубані.

Напісаць каментар 20

Таксама сачыце за акаўнтамі Charter97.org у сацыяльных сетках