Маці збітага міліцыянерам хлопчыка выйграла суд у жонкі бязмежніка

Жонка экс-міліцыянта са Столінскага раёна хацела адсудзіць $500, але сама заплаціць удвая больш.

Жыхарка пасёлка Рэчыца Столінскага раёна Берасцейскай вобласці Ірына Прылуцкая спрабавала спагнаць са Святланы Палхоўскай, маці збітага міліцыянерам 9-гадовага хлопчыка, 500 даляраў у пазове маральнай шкоды, а давядзецца ёй самой выплаціць тысячу даляраў.

17 ліпеня суддзя Столінскага суда Дзмітрый Карасінскі вынес пастанову: спагнаць з Ірыны Прылуцкай судовыя выдаткі, якія панесла Святлана Палхоўская, у суме 2357 беларускіх рублёў.

Ірына Прылуцкая плаціць катэгарычна адмаўляецца. Пастанова абскарджана не была, увайшла ў законнае дзеянне і накіраваная з накладзенымі абавязальніцтвамі ў аддзел прымусовага выканання.

«У выпадку, калі Прылуцкая ва ўстаноўленыя тэрміны не выканае абавязанні ў пастанове суда добраахвотна, то ёй пагражаюць штрафныя санкцыі: арышт маёмасці, абмежаванне выезду за межы Беларусі, пазбаўленне права кіравання аўтамабілем, а таксама іншыя меры ўздзеяння», - пракаментавала «Беларускай праўдзе» сітуацыю праваабаронца Алеся Садоўская.

Ірына Прылуцкая падала пазоў да маці збітага хлопчыка - Святлане Палхоўскай аб кампенсацыі маральнай шкоды ў тысячу дэнамінаваных рублёў.

21 лютага 2017 году старшыня Столінскага суда адмовіў пазаўніку ў задавальненні патрабаванняў пазову. У адпаведнасці з Грамадзянскім кодэксам РБ выплата судовых выдаткаў ускладаецца на бок, што прайграў - гэта значыць жонка міліцыянта Ірына Прылуцкая абавязаная кампенсаваць Святлане Палхоўскай больш за 2000 дэнамінаваныя беларускіх рублёў плюс маральнай шкоды.

27 лютага ІСН Столінскага РАУС прыняла пастанову аб адсутнасці складу злачынства ў дзеяннях Улада Палхоўскага.

Старшы інспектар аховы правапарадку і прафілактыкі Столінскага РАУС Вадзім Прылуцкі, які займаўся рукапрыкладствам, звольнены паводле артыкула.