Ізраільцяне навучаць танкістаў бачыць скрозь браню
4- 9.07.2017, 10:59
- 19,736
Рэвалюцыйнае вынаходства ўкарэняць у ізраільскай арміі цягам трох-чатырох гадоў.
Ізраільская кампанія Elbit Systems збіраецца даць танкістам кругавы агляд сітуацыі на полі бою з дапамогай шаломаў з дысплэямі і камерамі па перыметры танка.
Сістэму назвалі Iron Vision. У шаломы ўбудаваныя акселерометры, каб адсочваць рух галавы танкістаў і паказваць карцінку з камераў, у кірунку якіх яны глядзяць, паведамляе N+1.
Пры гэтым пры кручэнні галавы малюнак на дысплэі будзе змяняцца так, нібы танкіст знаходзіцца ў шаломе віртуальнай рэальнасці, а вакол яго пабудаваная мадэль поля бою. Больш ніякіх тэхнічных падрабязнасцяў агучана не было.
Iron Vision у найбліжэйшы час прэзентуюць на ізраільскіх танках Merkava IV. А за тры-чатыры гады сістэма будзе масава ўсталёўвацца на баявыя машыны.