Лукашэнка: Некаторыя думаюць, што конь - гэта таксама карова

Дыктатар заявіў, што цяперашняя моладзь «не можа адрозніць карову ад быка».

Беларускі правадыр Аляксандр Лукашэнка засмучаны тым, што моладзь краіны, залішне захапляючыся новымі тэхналогіямі лічбавай эпохі, губляе сувязь з рэальнай эканомікай і жыццём на зямлі. Адпаведную заяву дыктатар зрабіў 7 ліпеня, сустракаючыся з насельніцтвам гарадскога паселішча Копысь Аршанскага раёна Віцебскай вобласці.

- У нас разумна моладзь. Але пагадзіцеся (вы гэта бачыце на сваіх дзецях, суседзях), гэта не тая моладзь, якая была раней ці нават якая цяпер. Яна шмат у чым пераўзыходзіць нас. Яна шмат што разумее. Вы бачыце, што будучае стагоддзе - гэта стагоддзе разумных тэхналогій. Гэта зусім іншае стагоддзе - лічбавай эканомікі. Нам нават часам слухаць гэта не хочацца, але з іншага боку, што мяне турбуе, як я часта па народнай кажу, цяперашняя моладзь карову ад быка не адрозніць. А некаторыя думаюць, што конь - гэта таксама карова. Так-так, сапраўды так і ёсць. Яны не ведаюць, што такое араць зямлю, як яе араць - і нават вясковыя ўжо! Гэта значыць, моладзь - іншая. І нам трэба зрабіць сёння максімум, каб моладзь, якая за намі прыйдзе, не сядзела толькі ў кампутарах, а разумела вось гэтае жыццё, соль гэтай зямлі, - заявіў дыктатар.