Яшчэ адзін украінскі музей увекавечыў памяць пра беларускіх герояў
1- 11.08.2017, 16:55
- 21,466
Калекцыя краязнаўчага музея горада Камень-Кашырскі папоўнілася экспанатамі беларускіх добраахвотнікаў.
Пра гэта паведамляецца ў «Фэйсбуку» ў групе байцоў атрада «Пагоня».
У музей перадалі шаўрон байца атрада «Пагоня» і сцяг з подпісамі байцоў тактычнай групы «Беларусь». З'явіліся экспанаты ў рамках праекта аб перадачы ў музеі, дзе ёсць экспазіцыі, прысвечаныя АТА, рэчаў беларускіх добраахвотнікаў. Арганізатарам праекта з'яўляецца Грамадскі сектар атрада «Пагоня».
Перад гэтым экспанаты беларускіх байцоў ужо з'явіліся ў Музеі гісторыі горада Хмяльніцкага, музеі горада Старая Выжаўка, Дубенскім замку, Ковельскім гістарычным, Уладзіміра-Валынскім гістарычным і Валынскім краязнаўчым музеях.