Пад Менскам сабраліся Матусевічы з усяго свету
1- 13.08.2017, 14:15
- 18,772
Сустрэча людзей з такім прозвішчам прайшла ў вёсцы Вясёлы Кут Дзяржынскага раёна.
У вёсцы Вясёлы Кут Дзяржынскага раёна 12 жніўня прайшла V міжнародная сустрэча Матусевічаў, піша nn.by.
У душэўнай сяброўскай атмасферы ўдзельнікі імпрэзы абмяняліся навінамі, распавялі пра продкаў, абмеркавалі вынікі сваіх генеалагічных даследаванняў.
У сустрэчы ўзялі ўдзел Матусевічы з Менска, Дзяржынскага і Нясвіжскага раёнаў, Чэрвеня, Гародні і нямецкага Гамбурга.
Цікавы момант: шмат хто з удзельнікаў, нягледзячы на тое, што жывуць і працуюць у расейскамоўным асяроддзі, з уласнай ініцыятывы з задавальненнем размаўлялі па-беларуску. Гэты факт надаў 5-й сустрэчы Матусевічаў асаблівы каларыт.