На прадпрыемстве «Белрыба» ў Менску загінуў рабочы
1- 15.08.2017, 15:42
- 18,965
Кіроўца пагрузчыка быў траўмаваны на сваім працоўным месцы.
Следчыя высвятляюць абставіны гібелі работніка на прадпрыемстве ў Кастрычніцкім раёне сталіцы. Паводле інфармацыі tut.by, інцыдэнт адбыўся 14 жніўня на ААТ «Белрыба».
«Пры правядзенні пагрузачна-разгрузачных работ быў траўмаваны кіроўца пагрузчыка, ён загінуў на месцы. На месца здарэння прыбыла следча-аператыўная група з раённага аддзела СК, а таксама кіраўніцтва ўправы горада Менску», - паведаміла афіцыйная прадстаўніца Следчага камітэта Юлія Ганчарова.
Загінуламу было 57 гадоў. На прадпрыемстве канфіскаваная дакументацыя, якая рэгламентуе тэхніку бяспекі; апытаныя відавочцы. Паводле факта смерці прызначаная праверка.