Лукашэнка перадумаў прадаваць Пракапеню «Парытэтбанк»

Бізнэсовец Віктар Пракапеня не зможа набыць у дзяржавы «Парытэтбанк».

Гэта вынікае з указу Лукашэнкі №289 ад 16 жніўня 2017 года.

Дакумент касуе папярэдні ўказ №254, прыняты 18 ліпеня 2017 года, паведамляе nn.by. Тады Аляксандр Лукашэнка дазволіў Пракапеню купіць 99,53% акцый «Парытэтбанк» за $50 мільёнаў.

Гэты актыў быў патрэбны бізнэсоўцу, каб набыць украінскі «Ашчадбанк», аднак угода так і не была праведзеная.