Лукашэнка: Няма чаго боўтацца па раёне і рабіць выгляд, што нешта кантралюеш

Дыктатар даў «шырокія паўнамоцтвы» чыноўнікам на перыяд уборачнай кампаніі.

Аляксандр Лукашэнка на перыяд уборкі даў старшыням райвыканкамаў «самыя шырокія паўнамоцтвы». Аб гэтым дыктатар заявіў сёння на рэспубліканскай селектарнай нарадзе ў пытаннях уборкі ўраджаю ў 2017 годзе, паведамляе БелТА.

«Асобна хачу падкрэсліць, я хачу, каб гэта засвоілі ўсе, і перш за ўсё тыя, каму я адрасую гэты тэзіс: пастановы старшыні райвыканкама да 1 кастрычніка 2017 года, звязаныя з уборачнай кампаніяй, канчатковыя і абскарджанню не падлягаюць. Калі старшыню райвыканкама трэба ажыццявіць тыя ці іншыя дзеянні, значыць, ён іх будзе ажыццяўляць. Ніхто не мае права ўмешвацца ў яго распарадча-арганізацыйныя функцыі. Паправіць яго можа, калі ён пагодзіцца, толькі губернатар, - заявіў Лукашэнка. - Я гэта кажу для таго, каб потым не было спасылак, што ў некага не хапіла паўнамоцтваў, каб прыбраць хлеб».

Аляксандр Лукашэнка таксама адзначыў, што ў кожным раёне ёсць толькі блізу трох-чатырох праблемных гаспадарак.

«Вось займайцеся імі. Не трэба боўтацца па раёне і рабіць выгляд, што вы нешта кантралюеце. Едзьце туды, дзе вы патрэбныя. Вось за гэтыя тры гаспадаркі персанальную адказнасць нясе старшыня райвыканкама. Таму яму дадзены ўсе паўнамоцтвы. Дзейнічайце! Улада ў вашых руках», - падкрэсліў дыктатар.