Аляксандр Валадзько: На матчы са «Славіяй» зробім усё магчымае і немагчымае

Матч БАТЭ - «Славія» пройдзе сёння а 20.00 на «Барысаў-Арэне».

Паўабаронца БАТЭ Аляксандр Валадзько падзяліўся чаканнямі ад сённяшняга матчу 3-га кваліфікацыйнага раунду Лігі чэмпіёнаў супраць пражскай «Славіі».

Настрой баявы. Ён іншым быць не можа. Таму што ўсе хлопцы чакалі еўракубкаў. Чакалі гэтых гульняў. Гэта зусім іншыя эмоцыі. Зусім іншая атмасфера і зусім іншыя чаканні. Таму мы назапашваем энэргію. Чакаем нашых заўзятараў на стадыёне. Яны будуць гнаць нас наперад, - распавёў Аляксандр Валадзько fcbate.by.

- Віншую. На матчы будзе аншлаг.

- Гэта не дзіўна. Падчас еўракубка заўсёды прыходзяць заўзятары на наш прыгожы і ўтульны стадыён. Мы сёння чакаем усіх. Стратэгія матчу ўсім зразумелая. Нам трэба забіваць, каб прайсці далей. Мы зробім усё магчымае і немагчымае для гэтага.

Хлопцы, толькі разам мы можам перамагчы. Таму што каманда - гэта не толькі 11 футбалістаў. А вы - наш 12-ы гулец. Заўзейце за нас да апошняй хвіліны.