П'яны дэсантнік ударыў журналіста НТВ у жывым эфіры

Карэспандэнт вёў рэпартаж «Расплюхалася сінь» аб «элітнасці» дэсантных войскаў РФ.

Журналіста НТВ Мікіту Развазжаева атакавалі ў Парку Горкага ў Маскве, дзе былыя дэсантнікі ВДВ сёння адзначаюць сваё прафесійнае свята.

Падчас жывога ўключэння адзін з былых дэсантнікаў нанёс карэспандэнту ўдар у твар. Рэпартаж давялося перапыніць. Трэба адзначыць, што напад адбыўся ў той момант, калі Мікіта распавядаў, чаму менавіта ВДВ называюць «элітнымі» войскамі.

Хуліган (са слоў відавочцаў, ён быў п'яны) уцёк, але неўзабаве быў затрыманы, паведамляе НТВ.