МакКейн: Пуцін прадоўжыць плаціць вялікі кошт

Крокі Крамля прадказальныя і не застануцца без адказу.

Сенатар Джон МакКейн не здзіўлены пастановай Масквы выслаць з Расеі сотні амерыканскіх дыпламатаў у адказ на прыняцце Кангрэсам ЗША законапраекта пра новыя санкцыі супраць РФ. Пра гэта сенатар-рэспубліканец напісаў на сваёй старонцы ў Twitter.

«Нядзіўна, што Пуцін высылае нашых амерыканскіх дыпламатаў, але ён і ягонае асяроддзе прадоўжыць плаціць за атакі на нашу дэмакратыю», - напісаў МакКейн.

28 ліпеня расейскія ўлады абвясцілі аб увядзенні «дыпламатычных санкцый» супраць ЗША. Напрыклад, Масква скарачае колькасць амерыканскіх дыпламатаў у Расеі да 455 чалавек. Уладзімір Пуцін заявіў, што гаворка ідзе аб скарачэнні 755 супрацоўнікаў дыпмісіі ЗША.