Алесь Бяляцкі: Улады баяцца гарачай восені

Беларускае грамадства павінна як мага хутчэй і гучней выказацца ў падтрымку Генадзя Фядыніча.

Пра гэта ў «Фэйсбуку» напісаў кіраўнік Праваабарончага цэнтру «Вясна» Алесь Бяляцкі.

«2 жніўня затрымалі кіраўніка незалежнага прафзвязу РЭП Генадзь Фядыніч.

Затрымліваў Дэпартамент фінансавых расследаванняў Камітэта дзяржкантролю - дакладна, як мяне. І абвінавачванне тое ж: нявыплата падаткаў у асабліва значнай суме, артыкул 243 частка 2.

Няма сумневу, што справа гэта палітычная. Улады наважылі расправіцца з непажаданымі і напраўду незалежнымі прафзвязамі ў адплату за гарачую вясну-2017 і баючыся гарачай восені, бо асноўныя праблемы ў эканоміцы не развязаныя і яны прадбачліва б'юць па самых для іх небяспечных.

Беларускае грамадства павінна як мага хутчэй і як мага гучней выказацца наконт справы затрымання Генадзя Фядыніча. Не - новым палітычным зняволеным у Беларусі!»