Дырэктару вялікага менскага прамысловага прадпрыемства далі восем гадоў за прыпіскі

Сёння суд Ленінскага раёна вынес прысуд у дачыненні да былога гендырэктара і галоўнай бухгалтаркі ААТ «Будмаш».

Сёння суд Ленінскага раёна вынес прыгавор у дачыненні да былога гендырэктара і галоўнай бухгалтаркі ААТ «Будмаш» - вядучага вытворцы сродкаў механізацыі для будаўніцтва. За што службовыя асобы атрымалі па 8 і 6 гадоў пазбаўлення волі, паведамляе ГУУС Менгарвыканкама.

Навошта гендырэктар і галоўная бухгалтарка скрыўлялі статыстыку?

ААТ «Будмаш» працуе з 1953 года. Вырабляе ў ліку іншага краны, павільёны і шапікі, бетоназмяшальнікі, люкі, люлькі ды іншае будаўнічае абсталяванне.

Паводле версіі абвінавачвання, у 2015 годзе галоўны бухгалтар прадпрыемства Цівончык М.М. паводле папярэдняй змове з гендырэктарам Месніком А.І. цягам прыкладна года ўносіла ў афіцыйныя дакументы папярэдне фальшывыя звесткі пра вынікі працы «Будмаш». На паперы яны выглядалі лепш, чым былі напраўду. Далей кіраўнік падпісваў гэтыя дакументы і яны накіроўваліся ў Мінбудархітэктуры і галоўную статыстычную ўправу Менска.

На падставе вынікаў, якія былі адлюстраваныя на паперы, гендырэктар і галоўбух выпісвалі сабе прэміі. Паводле факту ж плаціць іх не было за што. Такім чынам, службовыя асобы скрыўлялі афіцыйную статыстыку і незаконна ўзбагачаліся. Агульная сума шкоды склала 51 тысячу рублёў.

Абвінавачванне паказвае і на іншую зацікаўленасць службовых асоб у супрацьпраўных дзеяннях. Яна выяўлялася ў жаданні патрапіць на больш высокую пасаду, жаданні схаваць сваю некампетэнтнасць, а таксама выканаць даведзеныя да прадпрыемства паказчыкі фінансава-гаспадарчай дзейнасці.

- Генеральны дырэктар, у сваю чаргу, пры працаўладкаванні быў апавешчаны, што пры наяўнасці запазычанасці выплат у бюджэт, росце страт ад рэалізацыі прадукцыі, тавараў, паслуг, запазычанасці ў выплаце заробку і прэміі, узнагароды не налічваюцца і не выплачваюцца. Гэта тычыцца як кіраўніка прадпрыемства, так і кіраўнікоў структурных падраздзяленняў, і галоўных спецыялістаў. Ведаючы пра тое, што на прадпрыемстве ў 2015 годзе меліся названыя праблемы, генеральны дырэктар хаваў адпаведныя факты, - распавёў выканаўца абавязкаў начальніка УБЭЗ КМ ГУУС Менгарвыканкама Андрэй Жорнік.

Пасля гэтага Меснік і Цівончык працавалі на Маладзечанскім заводзе металаканструкцый. Першы - гендырэктарам, другая - намесніцай. Праз яшчэ некаторы час імі зацікавіліся праваахоўнікі.

Якія тэрміны атрымалі службовыя асобы?

Сёння суд Ленінскага раёна вынес пастановы ў дачыненні да Месніка і Цівончык. Яны прызнаныя вінаватымі паводле шэрагу артыкулаў: ч 2 арт 17 (Учыненне злачынства групай) КК Рэспублікі Беларусь, ч 4 арт 210 (Крадзеж шляхам злоўжывання службовымі паўнамоцтвамі ў асабліва вялікай суме) КК, ч 3 арт 424 (Злоўжыванне ўладай або службовымі паўнамоцтвамі) КК і ч 2 арт 427 (Службовая падробка) КК. Месніку прызначанае пакаранне ў выглядзе пазбаўлення волі на 8 гадоў у папраўчай калоніі ва ўмовах ўзмоцненага рэжыму з канфіскацыяй усёй маёмасці, з пазбаўленнем права займаць пасады, звязаныя з выкананнем арганізацыйна-выканаўчых і адміністрацыйна-гаспадарчых абавязкаў тэрмінам на 5 гадоў.

Галоўнай бухгалтарцы за аналагічныя злачынствы прызначана пакаранне ў выглядзе пазбаўлення волі на 6 гадоў у папраўчай калоніі ва ўмовах агульнага рэжыму з канфіскацыяй усёй маёмасці, з пазбаўленнем права займаць пасады, звязаныя з выкананнем арганізацыйна-выканаўчых абавязкаў тэрмінам на 5 гадоў.

З абвінавачаных пастаноўлена спагнаць на карысць ААТ «Будмаш» больш за 51 тысячу рублёў.