Ратавальнікі далі рэкамендацыі, як перажыць сквар

Гэтыя парады дапамогуць вам перажыць гарачае надвор'е.

Гарачае надвор'е небяспечнае для чалавека цеплавым пераграваннем і можа прывесці да абязводжвання арганізма, развіцця сонечнага і цеплавога ўдару, абвастрэння сэрцава-судзiных захворванняў, нагадвае МНС. Ратавальнікі даюць рэкамендацыі, як перажыць спякоту.

- Старайцеся як мага менш знаходзіцца пад наўпроставымі сонечнымі прамянямі. Калі гэта непазбежна, то абараняйце галаву капелюшамі і парасонамі.

- Памятаеце, што з 12.00 да 16.00 сонца найбольш актыўнае. У гэты час пажадана абараняць усе часткі цела ад трапляння сонечных прамянёў - выкарыстоўвайце доўгую адзежу і сонцаахоўныя крэмы.

- Не піце алкаголь - у спёку яго дзеянне на арганізм шматкроць узмацняецца, плюс арганізм становіцца больш адчувальным да высокай тэмпературы.

- Піце як мага больш вадкасці.

- Не купляйце прадукты з рук - пры высокай тэмпературы бактэрыі размнажаюцца вельмі хутка, што можа прывесці да цяжкіх атручванняў пры няправільным захоўванні прадуктаў.

- Не выкарыстоўвайце дэкаратыўную касметыку наогул ці звядзіце яе выкарыстанне да мінімуму: наша скура ў спякоту ўзмоцнена дыхае і пацее, тым самым зніжаючы тэмпературу нашага цела. Закаркаванне пораў можа прывесці да перагрэву.

- Не займайцеся актыўным спортам пры тэмпературы вышэй за 25°C.

- Старайцеся захоўваць эмацыянальны спакой, бо ўсялякае пераўзбуджэнне ўзмацняе рызыку ўзнікнення цеплавога або сонечнага ўдару.

- Варта па магчымасці абмежаваць працяглыя паездкі на аўтамабілі, калі такой магчымасці няма, будзьце максімальна ўважлівымі на дарозе, бо падчас спякоты можа пагоршыцца самаадчуванне, адбыцца рассейванне ўвагі і зніжэнне рэакцыі.

Нагадаем, у сераду, 2 жніўня, у Беларусі абвешчаны аранжавы ўзровень небяспекі.