У Менску з бізнес-цэнтра эвакуавалі людзей

У будынку Sky Tower адбылося задымленне.

У Менску з бізнэс-цэнтра Sky Tower 2 жніўня эвакуавалі людзей. Прычынай стаў дым у будынку, паведаміў БелТА намеснік начальніка Менскай гарадской управы МНС Віталь Дэмбоўскі.

Паводле ягоных слоў, у бізнэс-цэнтры на вуліцы Дамброўскай адбылося кароткае замыканне блока кандыцыянера. Менавіта яно і выклікала дым. Як удакладніў прадстаўнік МНС, пацярпелых падчас здарэння няма.