Times: Лізавета II не будзе адмаўляцца ад пасаду на карысць прынца Чарльза

Каралева па-ранейшаму гатовая выконваць свае абавязкі перад краінай.

Каралева Вялікай Брытаніі Лізавета II не збіраецца адмаўляцца ад пасаду і перадаваць уладу спадчыннаму прынцу Чарльзу. Пра гэта паведаміла нядзельная газета The Sunday Times са спасылкай на блізкія да манарха крыніцы (пераклад – tass.ru).

Паводле іхніх словаў, каралева па-ранейшаму гатовая выконваць свае абавязкі манарха перад краінай. Яны таксама нагадалі, што яшчэ ў прамове, прымеркаванай да свайго 21-годдзя, тады яшчэ спадчынная прынцэса Лізавета публічна паклялася: "Усё маё жыццё, апынецца яно доўгім або кароткім, будзе прысвечана служэнню вам [народу]". Адна з крыніцаў выдання таксама заявіла, што пакуль каралева здаровая і здольная выконваць абавязкі кіраўніка дзяржавы, любыя размовы пра рэгенцтва не будуць мець пад сабой ніякай глебы.

Дагэтуль газета Mail on Sunday заявіла, што ў 2021 годзе Лізавета II (у выпадку дасягнення 95-гадовага ўзросту) збіраецца перадаць паўнамоцтвы манарха свайму старэйшаму сыну прынцу Валійскаму Чарльзу на падставе Акта пра рэгенцтва ад 1937 года.

Лізавета II была каранаваная ў 1952 годзе ва ўзросце 25 гадоў. 6 лютага Лізавета II адзначыла 65-годдзе свайго знаходжання на пасадзе, стаўшы самым доўгакіроўным брытанскім манархам за гісторыю. 21 красавіка яна адсвяткавала свой 91-ы дзень нараджэння.