Сонечнае зацьменне сёння: як назіраць нябесную з'яву з Беларусі
2- 21.08.2017, 16:51
- 25,196
Спосабы прасачыць за цікавай астранамічнай з'явай праз інтэрнэт.
Увечары 21 жніўня блізу 500 тысяч жыхароў Паўночнай Амерыкі змогуць убачыць поўнае сонечнае зацьменне. З Беларусі астранамічную з'яву непасрэдна назіраць не атрымаецца. Tut.by сабраў спосабы прасачыць за цікавай астранамічнай з'явай праз інтэрнэт.
Расклад зацьмення 21 жніўня (час менскі):
Пачатак частковага зацьмення - 18.46
Пачатак поўнага зацьмення - 19.48
Максімум - 21.26
Заканчэнне поўнага зацьмення - 23.01
Заканчэнне частковага зацьмення - 00.04
Сайт НАСА
Амерыканскае касмічнае агенцтва правядзе адну з самых цікавых трансляцый з 12 наземных пунктаў. Для яе задзейнічаюць касмічныя апараты, самалёты і 57 спецыяльных паветраных шароў, каб паказаць астранамічную з'яву з усіх ракурсаў.
Пачатак: 19.00 паводле менскага часу.
Спасылкі: Facebook, Ustream, YouTube
Праект Slooh
Супольнасць аматараў астранамічных назіранняў правядзе онлайн-трансляцыю з мястэчка Станлі ў штаце Айдаха.
Пачатак: а 18.30 паводле менскага часу.
CNN
Амерыканскі тэлеканал CNN плануе правесці жывую трансляцыю ў фармаце 360-градуснага відэа. Гледачам абяцаюць жывыя ўключэнні з «найлепшых назіральных пляцовак» у сямі розных пунктах ЗША. Глядзець можна і праз інтэрнэт.
Пачатак: 20.00 паводле менскага часу.
Experience the total solar eclipse live on Twitter on Aug. 21 from 12pm - 4pm ET. https://t.co/dL1kZCodD3 #Eclipse2017 #ChasingEclipse2017
— The Weather Channel (@weatherchannel) 20 августа 2017 г.
Папулярная сацсетка будзе весці жывую трансляцыю супольна з амерыканскім тэлеканалам The Weather Channel. У эфір будуць выходзіць вядоўцы прагнозаў надвор'я, размешчаныя па ходу руху цені. У трансляцыі абяцаюць выкарыстаць тэхналогіі дапоўненай і змешанай рэальнасці.
Пачатак трансляцыі: 19.00 паводле менскага часу.
Нагадаем, поўнае сонечнае зацьменне адбываецца ў момант, калі Месяц трапляе паміж Зямлёй і Сонцам. Сонца прыкладна ў 400 разоў большае за Месяц у дыяметры, а Месяц прыкладна ў 400 разоў бліжэйшы да Зямлі. Таму для зямлян у момант зацьмення два нябесныя целы выглядаюць прыкладна роўнымі ў памеры.
Зацьменне гэтага года называюць амерыканскім, бо лепш за ўсё яго будзе відаць з ЗША. У 12 штатах можна будзе назіраць поўнае зацьменне, у астатніх цень Месяца часткова закрые сонечны дыск. Таксама частковае зацьменне змогуць убачыць жыхары Канады, Мексікі і далёкаўсходніх гарадоў Расеі.
Цень Месяца пройдзе па Зямлі з хуткасцю, вышэйшай за хуткасць гуку, сумарная працягласць зацьмення складзе блізу 100 хвілін. Для большасці месцаў назірання зацьменне будзе доўжыцца блізу дзвюх хвілін. Шырыня цені на Зямлі складзе 115 кіламетраў.