Расеец у Беларусі ўтапіў у канале фуру разам з грузам

Расеец вёз на сваю радзіму з Нямеччыны груз хімічных дабавак для адкорму курэй і свіней.

Традыцыйна добрая якасць беларускіх дарог гэтак жа традыцыйна тоіць у сабе немалую небяспеку для расейцаў: без «падбадзёрвання» звыклымі ім калдобінамі і ямамі яны, падарожнічаючы па Беларусі, перыядычна засынаюць за стырном і трапляюць у сур'ёзныя аварыі, паведамляе беларускае аўтамабільнае выданне «Автобизнес Weekly».

Чарговая непрыемнасць з гэтай серыі здарылася сёння, 20 жніўня, на 58-м кіламетры трасы М1 Берасце - Масква. Недалёка ад горада Кобрын Берасцейскай вобласці не ў час задрамаў кіроўца з Масквы нечакана для сябе ператварыў свой гружаны аўтацягнік Volvo Globetrotter з аўтатранспартнага сродку ў плавальнае, выехаўшы з праезнай часткі і трапіўшы наўпрост у меліярацыйны канал, паведамляе беларускае аўтамабільнае выданне «Автобизнес Weekly».

Фатаграфіі імправізаванага «карабля» журналістам перадалі відавочцы здарэння. З іх слоў, расеец вёз на сваю радзіму з Нямеччыны груз хімічных дабавак для адкорму курэй і свіней.

- Кіроўца заснуў за стырном, - распавёў журналістам відавочца Аляксандр. - Я як раз ехаў у рэйс і спыніўся побач з ім, прапанаваў дапамагчы, але ён адмовіўся. Нават прадукты не захацеў браць, сказаў, што ў яго ёсць свае. Падчас аварыі не пацярпеў, але знаходзіцца ў шоку. Цягач з нумарамі 190-га рэгіёну, Масква. А паўпрычэп - зусім новы, яшчэ на нямецкім транзіце. Ішоў на круіз-кантролі, заснуў, метраў 300 праехаў па сустрэчнай і вылецеў у канал. Па «КАСКО» не застрахаваны.

На месцы здарэння ўжо пабывалі супрацоўнікі беларускай ДАІ і лекары хуткай дапамогі, якія пацвердзілі, што ніякіх траўмаў расейскі кіроўца не атрымаў і ў шпіталізацыі не мае патрэбы. Цяпер мясцовыя ўлады вырашаюць пытанне з разгрузкай фуры. Пасля гэтага яе паспрабуюць выцягнуць з арашальных канала з дапамогай цяжкага пад'ёмнага крана. На думку супрацоўнікаў ДАІ, галоўнай прычынай ДТЗ стала невыкананне замежным кіроўцам рэжыму працы і адпачынку.