Цэнтральны вакзал у Варшаве эвакуявалі праз пагрозу выбуху
- 21.08.2017, 21:17
- 23,195
На вакзале Варшава-Цэнтральная быў знойдзены падазроны пакет.
21 жніўня прыблізна а 17.00 паводле мясцовага часу Пажарная служба польскай сталіцы атрымала сігнал аб падазроным пакеце, што знаходзіцца на тэрыторыі Цэнтральнага вакзала ў Варшаве, паведамляе «Радыё Польшча».
У сувязі з гэтым пасажыры, і ўсе, хто знаходзіўся на вакзале, былі эвакуяваныя.
Пра гэта паведаміў Лукаш Пласкоцыньскі з прэс-службы Галоўнай камендатуры Пажарнай службы сталічнага горада Варшавы.
«Праз пагрозы выбуху вакзал Варшава-Цэнтральная зачынілі, а пасажыраў эвакуявалі. Ёсць падазрэнне, што ў пакеце знаходзіцца выбуховае прыстасаванне», - растлумачыў Лукаш Пласкоцынскі. На месцы працуюць піратэхнікі.
Перакрыты таксама рух па найбліжэйшых ад вакзала вуліцах. Рух рэгулюе паліцыя.