У Рагачоўскім раёне вясковец трапіў пад колы кукурузаўборачнага камбайна

Ад атрыманых траўмаў мужчына загінуў на месцы.

У Рагачоўскім раёне пад коламі кукурузаўборачных камбайна загінуў мужчына, паведаміў БелТА афіцыйны прадстаўнік УУС Гомельскага аблвыканкама Віталь Прыстромаў.

Трагедыя адбылася ўвечары 18 жніўня на кукурузным полі паблізу аграгарадка Заполле, дзе прыкладна ў 300 м ад жылых пабудоў быў знойдзены труп мясцовага жыхара 1982 года нараджэння. Выехаўшы на месца здарэння, супрацоўнікі Рагачоўскага РАУС высветлілі, што прыкладна а 19.00 механізатар СУП «Забалоцце-2010», прыбіраючы на камбайне «Палессе» кукурузу на сілас, учыніў наезд на мужчыну. Пацярпелы атрымаў шматлікія цялесныя пашкоджанні і памёр на месцы.

Цяпер супрацоўнікі Следчага камітэта высвятляюць усе акалічнасці трагедыі, прызначанае правядзенне экспэртыз, якія дадуць адказ у тым ліку на пытанне, у якім стане знаходзіўся загінулы ў момант наезду на яго камбайна. Мяркуецца, што механізатар фізічна не мог заўважыць чалавека, які з невядомых пакуль прычын знаходзіўся сярод кукурузы вышынёй у некалькі метраў.