ЗША пашырылі санкцыйны спіс супраць Расеі
1- 22.08.2017, 17:49
- 17,727
ЗША ўнеслі чатырох расейцаў у санкцыйны спіс за пазіцыю што да КНДР.
У санкцыйны спіс трапілі: Ірына Х’юіш, звязаная з кампаніяй Velmur management PTE LTD; Рубэн Кіракасян, звязаны з кампаніямі Gefest-M і Korea Tangun trading corporation, Міхаіл Пісклін і Андрэй Сербін, піша ria.ru.
Таксама пад санкцыі трапіла кампанія «Гефест-М», зарэгістраваная ў Маскве. Яна абвінавачваецца ў сувязях з паўночнакарэйскай гандлёвай карпарацыяй «Тангун».
Акрамя таго, абмежаванні закранулі пяць кампаній з КНР, дзве з Намібіі і дзве з Сінгапура.
У чэрвені мінфінансаў ужо ўводзіла санкцыі супраць грамадзян Расеі ў сувязі з развіццём ядзернай праграмы Пхеньяна. Пад абмежаванні трапіў расеец Ігар Мічурын, звязаны з кампаніяй Ardis-bearings. Акрамя таго, ЗША ўвялі санкцыі супраць трох расейскіх кампаній - «Незалежнай нафтагазавай кампаніі», «ННК Прыморнафтапрадукт», і Ardis-bearings (ТАА «Ардыс-Падшыпнік», гендырэктарам і уладальнікам якога з'яўляецца Мічурын).