Наваполацкія пажарныя выратавалі горад ад выбуху
7- 23.08.2017, 14:57
- 39,765
Незвычайны інцыдэнт адбыўся ўчора ўвечары.
Паведамленне аб дарожна-транспартным здарэнні ў Наваполацку, у выніку якога адбылося ўзгаранне кабіны кіроўцы фуры, паступіла выратавальнікам 22 жніўня ўвечары, паведамляе МНС.
Як высветлілася, грузавы аўтамабіль «Маз-ман» з паўпрычэпам-цыстэрнай «Звадкаваны газ» рэзнуўся ў дрэва, у выніку чаго загарэлася кабіна.
Са слоў кіроўцы, яго падрэзаў легкавік і грузавік выкінула на раздзяляльную паласу, дзе адбылося сутыкненне.
Мужчына быў шпіталізаваны ў лякарню з траўмамі рознай ступені цяжкасці.
Работнікі МНС своечасова ліквідавалі ўзгаранне, не дапусціўшы распаўсюду агню на цыстэрну, што пацягнула б за сабой магутны выбух.