29 сакавiка 2024, Пятніца, 2:05
Падтрымайце
сайт
Сім сім,
Хартыя 97!
Рубрыкі

Баявыя самалёты РФ перакрыюць трасу пад Менскам

16
Баявыя самалёты РФ перакрыюць трасу пад Менскам

Падчас пасадкі на трасу авіяцыя РФ будзе пампаваць беларускую нафту прама з трубаправода.

Вайскоўцы РФ і Беларусі на заключным этапе сумесных спецыяльных вучэнняў пасадзяць вайсковую авіяцыю на трасу пад Менскам, паведаміў намеснік міністра абароны РФ генерал войска Дзмітрый Булгакаў.

«У раёне беларускага горада Ворша і палігоне Барысаўскі расейскія і беларускія падраздзяленні тылавога і тэхнічнага забеспячэння адпрацуюць пытанні сумеснага разгортвання авіяцыйнай камендатуры на аўтамагістральнай трасе М-1 «Беларусь», - паведаміў Булгакаў.

«На гэтай трасе, згодна з планам вучэнняў, зробяць пасадку, дазапраўку палівам, падвешванне авіяцыйных сродкаў паразы і наступны ўзлёт баявыя самалёты - Су-27, Су-25, Як-130 і вайскова-транспартны Ан-26», - дадаў ён.

Ён адзначыў, што самалёты, якія здзейснілі пасадку на аўтамагістраль, будуць забяспечаны палівам з нафтаправода, які праходзіць па тэрыторыі Беларусі.

«Трубаправодныя падраздзяленні расейскага войска сумесна са спецыялістамі «Транснафты» зробяць урэзку ў нафтаправод, а затым пададуць гаруча-змазачныя матэрыялы для забеспячэння баявых дзеянняў злучэнняў і часцей Наземных войскаў і Паветрана-касмічных сіл Расеі і Вайскова-паветраных сіл Беларусі, якія дзейнічаюць на беларускай тэрыторыі» , - распавёў намеснік кіраўніка Мінабароны РФ.

Нагадаем, што ўчора баявыя самалёты РФ выконвалі манеўр па пасадцы на Магілёўскую трасу.

Напісаць каментар 16

Таксама сачыце за акаўнтамі Charter97.org у сацыяльных сетках