Нетыповае пахаванне крывічоў выяўленае на паўночным захадзе Беларусі
1- 5.08.2017, 12:28
- 12,215
Археолагі даследуюць адзін з найбуйнейшых ва Усходняй Еўропе некропаляў крывічоў.
Такая інфармацыя прагучала ў эфіры тэлеканала АНТ.
Пад Мядзелам былі выкрытыя курганы X-XI стагоддзяў. Там было выяўлена пахаванне з раней невядомым навуцы пахавальным абрадам продкаў сучасных беларусаў.
Археолаг Мікалай Плавінскі - загадчык кафедры Міжнароднага дзяржаўнага экалагічнага інстытута ім. А.Д. Сахарава, які вядзе раскопкі - адзначае, што пахаванні былі здзейсненыя прама на старажытнай дзярновай паверхні ў нейкай канструкцыі.
"Магчыма, гэта былі драўляныя канструкцыі або берасцяныя. І гэта фактычна ўпершыню ў Беларусі такая знаходка. У будучыні, можа быць, мы інакш будзем глядзець на пахавальныя абрады мяжы I і II тысячагоддзя", - сказаў археолаг.