Экс-падпалкоўнік КДБ: СССР збіраўся захапіць частку Турцыі

План быў скасаваны пасля ядзернага ўдару ЗША па японскіх гарадах у жніўні 1945-га.

Атамныя бомбы, якія ў жніўні 1945 года ЗША скінулі на японскія гарады Хірасіму і Нагасакі, былі перасцярогай амерыканцаў Савецкаму Саюзу ад дзеянняў у Малой Азіі. Пра гэта "Комсомольской правде" заявіў падпалкоўнік КДБ у адстаўцы Ігар Атаманенка.

"Сярод некаторых сябраў Прэзідыума ВКП (б) атрымала папулярнасць ідэя вярнуць у склад СССР спрадвечна армянскія землі, гвалтоўна далучаныя Турцыяй у 1918 годзе, і ўсталяваць у Малой Азіі савецкую ўладу", - сказаў ён.

Са слоў Атаманенкі, Іосіф Сталін нібыта заявіў на пасяджэнні прэзідыума партыйнага кіраўніцтва СССР, што "туркі забяспечваюць збожжавымі ўсе суседнія краіны, і нажываюцца за кошт армян", і пара пакласці гэтаму канец.

"Адным магутным кідком трох нашых войскаў, засяроджаных у раёне Тэбрыза, мы можам прайсці ад іранскай мяжы да Стамбула. Землі, якія мяркуецца вызваліць, да 1917 году ўваходзілі ў склад Расейскай імперыі", - працытаваў падпалкоўнік КДБ у адстаўцы нібыта словы Сталіна.

Са слоў Атаманенкі, савецкія ўлады мелі намер таксама захапіць Стамбул, вярнуць яму "гістарычнае імя" Царград і ўзяць пад кантроль праход праз Басфор і Дарданэлы ў Міжземнае мора.

"Пастанова аб прымяненні Штатамі атамнай бомбы супраць Японіі Трумэн прыняў толькі пасля таго, як кіраўнік амерыканскай вайсковай разведкі далажыў: у раёне Тэбрыза назіраецца перадыслакацыя дывізій Чырвонага Войска, яны вылучаюцца да мяжы з Турцыяй", - сказаў ён.

Атаманенка заявіў, што калі Сталіну далажылі пра вынікі атамнага бамбавання Хірасімы і Нагасакі, пра якія былі там разбурэнні і ахвяры, ён скасаваў паход на Стамбул "да найлепшых часоў".

"Легенда абвяшчае, што Сталін прамовіў: маўляў, туркі павінны ўсё жыццё дзякаваць японцам. Ён зразумеў: раз амерыканцы скінулі бомбы на Японію, то яны могуць іх скінуць і на Турцыю, калі туды нападуць нашы войскі", - адзначыў былы супрацоўнік КДБ.