У РПЦ пракаментавалі скандал з айцом-сутэнёрам

«Святара» затрымалі ў віцебскім прыстанішчы.

Намеснік старшыні сінадальнага аддзела для сувязяў РПЦ з грамадствам і СМІ Вахтанг Кіпшыдзэ ў гутарцы з «Лентой.ру» пракаментаваў інфармацыю аб затрыманні ў Віцебску святара, якога беларускія следчыя падазраюць у сутэнёрстве.

«У выпадку, калі выстаўленыя абвінавачванні, нягледзячы на іх зусім беспрэцэдэнтны характар, пацвердзяцца, мы б грунтаваліся на тым, што найбольш пераважнай для нас [царквы] была б выдача гэтага святара ў Расею для яго крымінальнага пераследу ўжо тут», - сказаў Кіпшыдзэ . Паводле ягоных слоў, такія захады адпавядалі б канвенцыі аб прававой дапамозе, укладзенай паміж Масквой і Менскам.

У дачыненні да затрыманага распачатая крымінальная справа паводле артыкулу аб арганізацыі занятку прастытуцыяй, спалучанай з вывазам меркаваных прастытутак за мяжу. «Падставай паслужылі матэрыялы, якія паступілі ад супрацоўнікаў супрацьдзеяння незаконнаму абарачэнню наркотыкаў і гандлю людзьмі органаў унутраных спраў Віцебска», - паведамілі ва ўправе Следчага камітэта Віцебскай вобласці Беларусі.

5 жніўня выданне 47news паведаміла, што ў Віцебску падчас штурме прыстанішча з прастытуткамі быў затрыманы бацюшка з Ленінградскай вобласці Расеі. Пры ад'ездзе з сваёй царквы 2 жніўня ён распавёў, што мерыцца наведаць манастыр у Падмаскоўі. Сваёй жонцы айцец Мікалай (у свеце Мікалай Кірэеў) нічога не паведаміў, і тая праз некалькі дзён звярнулася ў паліцыю.

Высветлілася, што Кірэеў знаходзіцца ў Віцебску. У беларускім СК адзначалі, што святара затрымалі падчас абкладу на прыстанішча з прастытуткамі, пры гэтым мужчына быў не кліентам. «Усё, што мы пакуль пачулі, гэта словы «ён ладзіўся вывезці ў горад Санкт-Пецярбург жанчын», - пісала 47news.