Сяргей Гоцманаў: Жыццё ў Беларусі становіцца больш цяжкім, а па ТБ кажуць, што ўсё цудоўна
7- 7.08.2017, 17:47
- 20,842
Легендарны паўабаронца менскага «Дынама» 80-х падзяліўся ўражаннямі пра нашу краіну.
Легендарны паўабаронца менскага «Дынама» 80-х, чатыры разы найлепшы футбаліст Беларусі (1983, 1985, 1987, 1989) Сяргей Гоцманаў падзяліўся ўражаннямі пра нашу краіну. Гоцманаў ужо даўно жыве ў ЗША і бывае на радзіме рэдка. Сёлета ён прыляцеў у Менск летам, у адрозненне ад былых гадоў, калі часцей прыязджаў на Каляды і Новы год, піша football.by.
- Ці сочыце вы за тым, што адбываецца ў Беларусі?
- Шчыра кажучы, не асабліва. Ведаю, што грошы памяняліся, што ў краіне ўсё дрэнна з эканомікай.
- Як сказаў паэт: вялікае бачыцца на адлегласці. Напэўна вам прасцей убачыць перамены ў краіне, чым тым, хто жыве тут увесь час. Што вас здзіўляе, калі прыязджаеце ў Беларусь?
- Менш стала ўсмешак. Жыццё становіцца больш цяжкім. Хоць па тэлевізары гляджу: усё выдатна ў краіне, выяўляецца. Усё квітнее і развіваецца.
- У нас тут ёсць жарт: «хачу жыць у той Беларусі, што ў тэлевізары»...
- Гэта напэўна не толькі нас тычыцца, але і той жа Расеі. Там таксама ў тэлевізары ўсё прыгожа, усё выдатна, а напраўду эканоміка стагнуе, жыццё ўсё ўскладняецца, змяняецца. Выжывае наймацнейшы.
- Наймацнейшыя цяпер ЗША.
- Скажу так: і Амерыка падае сябе ў добрым святле. Але і там поўна складанасцяў і цяжкасцяў...